'ඩබාන්ග්' තුන්වැන්නට මවුනි
ශ්‍රී ලංකාවේ අතිශය ජනප්‍රිය වූ ‘ප්‍රේම දඩයම්’ ඉන්දීය ටෙලි නාට්‍යයේ ‘ශිවන්‍යා’ ලෙස රංගනයෙන් දායක වූ මවුනි රෝයි අප්‍රේල් මාසයේ අගදී රූපගත කිරිම් කටයුතු ආරම්භ කිරීමට නියමිත ‘ඩබාන්ග්’ තුන්වැනි චිත්‍රපටය සඳහා තෝරා ගෙන ඇති බවට තොරතුරු ලැබේ.
කෙසේ වෙතත්, මෙම චිත්‍රපටය නිර්මාණය කරන්නට සැලසුම් කල මුල් කාලයේදී මෙහි සල්මාන් ඛාන් සමගින් සොනක්ෂි සින්හා ප්‍රධාන චරිත නිරූපණය කරන බවට ඉඟි පළවිය. එහෙත්, පසුව සොනක්ෂිගේ අවස්ථාව මවුනිට ලැබි ඇති බවට තොරතුරු සඳහන් වේ.
මවුනි බොලිවුඩ් සිනමාවට එක්වන පළමු චිත්‍රපටය වන්නේ රීමා කගාති අධ්‍යක්ෂණය කරන ‘ගෝල්ඩ්’ය. එහි ඇය ජනප්‍රිය බොලිවුඩ් සිනමා නළු ආක්ෂේ කුමාර් සමගින් රංගනයෙන් දායක වෙයි.
YOU MAY ALSO LIKE
