ටොම් කෘස්ගේ පැනිල්ල
ජුලී 28 වැනිදා බොලිවුඩයට සමගාමිව ලොවපුරා ප්‍රදර්ශනය වන ‘මිෂන් ඉම්ෆොසිබල් - ෆේල්අවුට්’ චිත්‍රපටයේ ප්‍රචාරක පටයක් පසුගියදා නිකුත් කරනු ලැබීය. එහි සඳහන් වන්නේ මෙම චිත්‍රපටයේ ප්‍රධාන චරිතය නිරූපණය කරන සුපිරි හොලිවුඩ් නළු ටොම් කෘස් විසින් මීටර් 25,000කට වඩා උසින් පියාසර කරන ගුවන් යානයකින් බිමට පනින අයුරුය.
එය චිත්‍රපටයේ එන තවත් එක්තරා දර්ශනයක් වන අතර, චිත්‍රපට දර්ශනයක් සඳහා එවැනි උසකින් පියාසාර කළ ලොව පළමු සිනමා නළුවා ලෙස ටොම් කෲස් ඉතිහාසයට එක් විය. මෙම දර්ශනය රූපගත කිරීමට පෙර ටොම් කෲස්ට විශේෂ පුහුනුවක් ලබාදුන් අතර, ඔහුටම වෙන්වූ හිස්වැසුමක් අලුතින් නිර්මාණය කළ බව මෙහි අධ්‍යක්ෂවරයා මෙම ප්‍රචාරක පටයේ අදහස් දක්වමින් පවසා ඇත. එමෙන්ම මෙම දර්ශනයට පෙර ටොම් කෲස් විසින් 106 පාරක් ගුවන් යානයෙන් පැන මේ සඳහා පුහුණුවු බවද ඔහු වැඩිදුරටත් පවසා ඇත.
YOU MAY ALSO LIKE
