'ටයිගර් සින්දා හේ'යූ ටියුබ් වාර්තා අතරට
සුපිරි නළු සල්මාන් ඛාන් හා කත්‍රිනා කයිෆ් ප්‍රධාන චරිත නිරූපණය කරන අලී අබ්බාස් සෆර්ගේ ‘ටයිගර් සින්දා හේ’ චිත්‍රපටයේ ප්‍රචාරක පට මේ වන විට නිකුත් කර ඇත. යූ ටියුබ්’ හිමිකරුවන් පවසන්නේ ‘ටයිගර් සින්දා හේ’ චිත්‍රපටයේ ප්‍රචාරක පටය නිකුත් කර දින හතක් යන්නට පෙර එය මිලියන 20කට අධික පිරිසක් යු ටියුබ් වෙබ් අඩවියෙන් පමණක් නරඹා ඇති බවය.
එමෙන්ම එම ප්‍රචාරක පටයට පමණක් මිලියන 7ක පාඨක කැමැත්ත හිමිව තිබෙන බවය. එය හොලිවුඩ්, බොලිවුඩ් හා ඕනෑම රටක නිෂ්පාදිත චිත්‍රපටයක් සඳහා ලැබුණ ඉහළම පාඨක කැමැත්ත බවය. මීට පෙර මිලියන 6.95ක් ‘මාවල්’ චිත්‍රපට සමාගමේ ‘කැපටන් ඇමෙරිකා - සිවිල් වර්’ චිත්‍රපටය සඳහා ලැබී තිබුණි. බොලිවුඩ් චිත්‍රපටයකට ‘ටයිගර් සින්දා හේ’ චිත්‍රපටයට පෙර වැඩිම පාඨක කැමැත්තක් ලැබී තිබුණේ සංජය ලීලා බන්සාලිගේ ‘පද්මාවතී’ චිත්‍රපටයයි. ඒ මිලියන 6.6ක පිරිසකගෙනි.
‘ටයිගර් සින්දා හේ’ චිත්‍රපටය දෙසැම්බර් මස 22 වැනිදා බොලිවුඩයට සමගාමීව ලොවපුරා රටවල් 22ක ප්‍රදර්ශනය කිරීමට නියමිතව ඇත.
