ටප්සි පන්නුගේ කාලේ හොඳයි
‘පින්ක්’ චිත්‍රපටය හරහා සම්මාන රැසක් දිනාගත් දකුණු ඉන්දීය සිනමා නිළි ටප්සි පන්නු රංගනයෙන් දායක වන චිත්‍රපට රැසක් මේ වසරේදී තිරගත වීමට නියමිතය. මේ වනවිට තිරගත වීම් ආරම්භ කර ඇති ‘ද ගාසි ඇටැක්’ චිත්‍රපටය තුළින් ප්‍රේක්ෂකයන් හමුවන ටප්සි තවත් නොබෝ දිනකින් ‘රනින්ග් ෂාදි.කොම්’ චිත්‍රපටය තුළින් සිය රසික පිරිස් මුණගැසීමට නියමිතය.
මෙම චිත්‍රපටවලට අමතරව ‘නාම් සබිනා’ හා ‘ජුඩ්වා’ දෙවැනි චිත්‍රපට තුළින්ද මේ වසරේදී බොලිවුඩ් සිනමාව තුළින් දැක ගත හැකිවන අතර, ප්‍රකාශ් ජා විසින් අධ්‍යක්ෂණය කරන ‘තඩාක්’ නම් හාස්‍යමය චිත්‍රපටය තුළින්ද දැක ගත හැකිවේ. චිත්‍රපටය අප්‍රේල් 14 වැනිදා තිරගතවීමට නියමිතය. මෙහි ටප්සි, නානා පාටේකාර්, ශ්‍රියා සරන්, අලි ෆසල් සමගින් ප්‍රධාන චරිත නිරූපණය කරති.
YOU MAY ALSO LIKE
