ජෝන් ඒබ්‍ර්හිම් අනතුරකට ලක් වෙලා
ජනප්‍රිය බොලිවුඩ් සිනමා නළු ජෝන් ඒබ්‍ර්හිම් පසුගියදා අනතුරකට මුහුණ දී ඇතැයි වාර්තා වෙයි. ඒ ඔහු රංගනයෙන් දායක වන අලුත්ම චිත්‍රපටය වූ ‘සත්‍යමේවා ජායති’ දෙවැනි චිත්‍රපටයේ රූපගත කිරිමක් අතරතුරදීය. වනරාසි නගරයේදී කළ රූපගත කිරිමක් අතරේ ඔහුගේ දකුණු අතේ ඇඟිලිවලට විශාල පහරක් වැදි ඇත.
ඒ සමගම වනරාසි නගරයේ ඇති පෞද්ගලික රෝහලකට ඇතුළත් කර ඇති ඔහු ඊට ප්‍රතිකාර ලබාගෙන තිබේ. කෙසේ වෙතත්, වෛද්‍යවරුන් පවසන්නේ එය විශාල අනතුරක් නොවන බවත්ය. ප්‍රතිකාර ලැබීමෙන් පැය කිහිපයකට පසුව ජෝන් නැවතත් ‘සත්‍යමේවා ජායති’ දෙවැනි චිත්‍රපටයේ රූපගත කිරිම් කටයුතු සඳහා එක්ව ඇත.
YOU MAY ALSO LIKE
