Saaravita.lk|| ජොනීගේ දුවත් බොලිවුඩ් සිනමාවට

හාස්‍ය නළුවෙකු ලෙස දශක කිහිපයක් තිස්සේ බොලිවුඩයේ දකින ජොනී ලීවර් පිළිබඳව හින්දි සිනමාවට ආදරය කරන සිනමා ලෝලීන්ට අමුතුවෙන් හඳුන්වා දීම අනවශ්‍යය. මේ දිනවලද චිත්‍රපට කිහිපයක රූපගත කිරිම් සඳහා දායකව සිටින ඔහු මේ වසරේදී බොලිවුඩ් චිත්‍රපට කිහිපයකින්ම ප්‍රේක්ෂකයන්ට දැකබලා ගත හැකිවේ. තිරගත වීමට චිත්‍රපට අතර, සජිද් නදිඩ්වාලාගේ ‘හවුස්ෆුල්’ සිවුවැනි චිත්‍රපටයද තිබේ.

‘හවුස්ෆුල්’ සිවුවැනි චිත්‍රපටයේ ජොනී සමගින් ඔහුගේ දියණිය වූ ජාමි ලීවර්ද රංගනයේ යෙදීම විශේෂත්වයකි. ඇයද මෙහි සිය පියා මෙන් හාස්‍යයම ජවනිකා කිහිපයකටම පෙනී සිටින බව සඳහන් වේ. ඔක්තෝබර් 25 වැනිදා ප්‍රදර්ශනය වීමට නියමිත මෙම චිත්‍රපටයේ ප්‍රධාන චරිත ආක්ෂේ කුමාර්, බොබ් ඩියොල්, රිතෙක් දේශ්මුක්, අභිෂේක් බච්චන් නිරූපණය කරනු ලබයි.