ජැකලීන් ‘බූත් පොලීසිය’ සමගින් මුම්බායි නගරයේ

කාලයක් තිස්සේ විවිධ කාරණයන් හේතු කොට ගෙන රූපගත කිරිම් කල් ගිය ‘බූත් පොලීස්’ බොලිවුඩ් චිත්‍රපටයේ රූපගත කිරිම් කටයුතු මේ වනවිට මුම්බායි නගරයේ ආරම්භ වී ඇතැයි දැනගැනීමට ලැබේ. මෙම චිත්‍රපටයේ ජැකලින් සමගින් අර්ජූන් කපූර්, සායිෆ් අලී ඛාන් හා යාමී ගෞතම් රංගනයෙන් දායක වෙයි.

‘කොවිඩ්’ වසංගතය හේතුවෙන් මෙම චිත්‍රපටයේ රූපගත කිරිම් කටයුතු කිහිප වරක් අවලංගු කර දමන්නට සිදුවු අතර, එක් වරක් චිත්‍රපටයේ ප්‍රධාන චරිතය නිරූපණය කරන අර්ජූන්ද ‘කොවිඩ්’ රෝගයට මෙම රූපගත කිරිම් අතරතුරදී ආසාදනය වි තිබුණ බව සඳහන් වෙයි. නැවතත් ආරම්භ වූ මෙහි රූපගත කිරිම් ඉතා ආරක්ෂාකාරිව සිදු කරන්නට එහි නිෂ්පාදක කණ්ඩායම පියවරගෙන තිබුණ බවත් එය චිත්‍රපටයට එක්වූ නළුනිළියන්ගේ ඉතා පැසසුමට ලක්වූ බවත් සඳහන් වෙයි.