ජැකලින්ගේ ‘මිස් සිරියල් කීලර්’ අන්තර්ජාලයට
ජනප්‍රිය බොලිවුඩ් සිනමා නිළි ජැකලින් ෆර්නැන්ඩෙස් රංගනයෙන් දායක වූ ‘මිස් සිරියල් කීලර්’ චිත්‍රපටය පසුගිය මැයි පළමු වැනිදා ප්‍රදර්ශනය වීමට නියමිතව තිබුණි. ‘නෙට්ෆිලික්ස්’ ආයතනය මඟින් නිෂ්පාදනය කරනු ලැබු මෙම චිත්‍රපටය මේ වනවිට අන්තර්ජාලයට මුදාහැර තිබෙන බව සඳහන් වේ.
ජැකලින් මීට පෙරද ‘නෙට්ෆිලික්ස්’ ආයතනය විසින් නිෂ්පාදනය කළ ‘ඩ්‍රයිවර්’ චිත්‍රපටයේද රංගනයෙන් දායක වූ අතර, එයද තවමත් ප්‍රදර්ශනය නොවුන චිත්‍රපටයක් විය.
මේ වසරේ ඇය ජෝන් ඒබ්‍ර්හිම් හා දමිල සිනමා නිළි රකුල් පිත් සිං සමගින් රංගනයෙන් දායක වූ ‘ඇටෑක්’ චිත්‍රපටය ප්‍රදර්ශනය වීමට නියමිතව ඇත. කෙසේ වෙතත්, ජැකලින් මේ දිනවල වඩාත් ජනප්‍රිය වී ඇත්තේ සල්මාන් ඛාන් ගායනා කරන තේරේ බින්’ කියන මියුසික් විඩියෝව සඳහා රංගනයෙන් දායක වෙමිනි.
YOU MAY ALSO LIKE
