Saaravita.lk|| 'ගෝල්ඩ්' කෝටි 100ක් උපයන ලකුණු

අගෝස්තු 15 වැනිදිනට යෙදී තිබුණ ඉන්දීය නිදහස් දිනදා ඉන්දියාවට සමගාමිව ලොවපුරා ප්‍රදර්ශනය වූ ආක්ෂේ කුමාර්ගේ ‘ගෝල්ඩ්’ චිත්‍රපටය දින 5ක් තුළදී ඉන්දීය රුපියල් කෝටි 94ක ආදායමක් උපයා ගැනීමට සමත්ව ඇත.

ඉන්දියාවේ පමණක් මේ වනවිට ඉන්දීය රුපියල් කෝටි 55ක ආදායමක් උපයා ගැනීඹට සමත්ව ඇති මෙම චිත්‍රපටය පහසුවෙන්ම ඉන්දීය රුපියල් කෝටි 100යේ සීමාව පසු කරනු ඇතැයි විචාරකයන් පවසා තිබේ.

‘ගෝල්ඩ්’ චිත්‍රපටය තිරගත වූ දිනයේදීම ප්‍රදර්ශනය වූ ජෝන් ඒබ්‍ර්හිම්ගේ ‘සත්‍යමේවා ජායති’ චිත්‍රපටයද ‘ගෝල්ඩ්’ චිත්‍රපටය මෙන්ම ආදායම් උපයා ගැනීම අතින් සාර්ථක ලකුණු පෙන්වා ඇති චිත්‍රපටයකි. එයද මේ වනවිට ලොවපුරා ප්‍රදර්ශනය වෙමින් ඉන්දීය රුපියල් කෝටි 75ක මුදලක් උපයා ගැනීමට සමත්ව ඇත.