ගුරුන්ගේ ආශීර්වාදය පතන මනීෂා
ඕනෑම කෙනෙකුට ඕනෑම වැඩක් පටන් ගන්නට පෙර ආශීර්වාද ලබා ගැනීම සදහා ගුරුවරයෙකු සිටිය යුතු බැව් මනීෂා කොයිරාල පවසයි. ගුරු පූර්ණිමා චිත‍්‍රපටියේ ර`ග පාන මේ හතළිස් හය හැවිරිදි නිළිය මෙසේ පැවසුවේ එහි ප‍්‍රචාරක කටයුතුවලට සහභාගි වෙමිනි.
‘‘ ඕනම කෙනෙක් වැඩක් පටන් ගන්න ඉස්සර වෙලා අවංක ආශීර්වාදයක් ලබා ගන්න ඕන.. හිතේ සාමයෙන්, සහනයෙන් ඒ දේ කරන්න පුළුවන් වෙන්නෙ එතකොට.. මම මගේ ගුරුවරුන්ගෙන් ආශි්ර්වාද ලබා ගන්න යන තැන් දෙකක් තියනවා.. එකක් චෙන්නායි කිට්ටුව තියෙන විශ්ව විද්‍යාලයක්.. අනිත් තැන හරිද්වාර්.. එහි ඉන්න සාධුවරයන්ගේ ආශීර්වාදය මට හු`ගාක් වටිනවා..’’ ඇය කියයි.
පසු ගිය කාලයේ පිළිකාවක් හේතුවෙන් බොහෝ රෝගාතුර වූ විටත් ඇය මේ සාධුවරුන් වෙත ගියාය. තමා සනීප වුයේ බෙහෙත් බලයෙන් පමණක්ම නොවන බැව් ඇය කියන්නීය.
YOU MAY ALSO LIKE
