ගීත රචකයෙක් ඉන්දියාවම අඬවයි
අද මේ කියන්න යන සිදුවීම වුණේ ඉන්දියාවේ දැවැන්ත වේදිකාවක. මේ වේදිකාව ඉදිරිපිට තිබුණු සුඛෝපභෝගී පුටුවල ඉන්දියාවේ විවිධ ප‍්‍රදේශවලින් පැමිණි පිරිස් වාඩිවෙලා හිටියා. මේ වේදිකාවේ ඉන්දියාවේ හතර දෙසින් පැමිණි තරුණ පිරිස් තම හැකියාවන් පෙන්නනවා. මෙතන ඉන්න පිරිස වගේම මේ ගායනා තරගාවලිය සංවිධානය කරන අදාළ රූපවාහිනී නාළිකාව නිවෙස් තුළට වී ලක්ෂ සංඛ්‍යාත ප්‍රේක්ෂක පිරිසක් නරඹනවා. මේ වේදිකාව එක් පසෙක ඉන්දියාවේ ජනප‍්‍රිය සංගීත අධ්‍යක්ෂක යුවළක් වන ලක්ෂ්මී කාන්ත් ප්‍යාරේලාල් වාඩිවෙලා හිටියා. තවත් පසෙක මේ තරගය විනිශ්චය කරන විනිශ්චයකරුවන් වාඩිවෙලා හිටියා. ඔවුන් අතරේ හැමවිටම සිනාමුසුව ඉන්න ජනප‍්‍රිය ගායිකාවක් වන නේහා කක්කඩ්ද ඉන්නවා හිටියා. එක්වරම නිවේදකයා මෙන්න මෙහෙම කීවා.
ප්ලීස් වෙල්කම් සංතෝෂ් ආනන්ද ජී.... ඔබගේ උණුසුම් අත්පොළසන් නාදය ලබාදෙන්න. රෝද පුටුවක වාඩිවුණු වයසක කෙනෙක්ව වේදිකාවට ගේනවා. ඒ වෙලාවේ ලක්ෂ්මී කාන්ත් ප්‍යාරේලාල් විතරක් නෙවෙයි විනිශ්චය මණ්ඩලය ඇතුළු මේ ස්ථානයේ ඉන්න හැමෝම තම අසුන්වලින් නැගිටලා අත්පොළසන් දෙනවා.
නිවේදකයා ඔහු ළඟට එනවා. සර් ඔබට බොහොම ස්තූතියි මේ වැඩසටහනට ආවට. කොහොමද සර්...?
මම හොඳින් ඉන්නවා. මට එන්න කිව්වා මම ආවා අවුරුදු ගාණකට පස්සෙ මේ වගේ දේකට ආවේ. මට ගොඩාක් සතුටුයි.... මාව කාට හරි මතක් වුණු එක ගැන ඊටත් වැඩිය සතුටුයි...
හැමෝගෙම ඇස්වල කඳුළු.... නේහා කක්කඩ් අඬ අඬා ඔහු දිහා බලාගෙන ඉන්නවා.
ඔබතුමා ලියූ ගීත මේ ලෝකය පවතින තුරැ පවතීවී සර්... ඔබතුමා අමරණීය කෙනෙක්... එහෙම කියන්නේ මේ වැඩසටහන මෙහෙයවන ජනප‍්‍රිය ගායක උදිත් නාරායන්ගේ පුතනුවන් වන ආදිත්‍ය නාරායන් විසින්.
ඒ වෙලාවේ සන්තෝෂ් කියන්නේ ලක්ෂ්මී කාන්ත් ප්‍යාරේලාල් ගේ ආදරය නිසා තමන් පෑනෙන් තමන්ගේ ලෙයින් ලියූ වචනවලට පණ දෙන්න පුළුවන් වුණා. මට දැන් දවල්ටත් රැයක් වගේ දැනෙන්නෙ කියලා කියනවා. මට ෆිල්ම් ෆෙයාර් සම්මාන හිමිවුණා. මගේ ළඟ අද වෙනකොට මොකුත් නැහැ.... ඒත් මට ගොඩක් දේවල් තියෙනවා. මගෙ ළඟ සල්ලි නෑ බලය නෑ. ඒත් ජනතාවගේ ආදරය තියෙනවා....
ඔහුගේ කතාව අහගෙන ඉඳලා හැමෝගෙම ඇස්වල කඳුළු...
නේහාට හොඳටම ඇඬෙනවා...... ඇය මයික‍්‍රෆෝනය අරගෙන ...... සන්තෝෂ් සර් ඔබතුමා මෙතන ඉන්නවා දකලා අපි හැමෝම ගොඩාක් සතුටුවෙනවා. ඔබතුමා ලියලා තියෙන ගීතවලින් අපිට ආදරය කියන්නෙ මොකක්ද කියන එක දැනගන්න පුළුවන් වුණා. අද ඔබතුමා මුම්බායිවලට ආව එක ගැන මේ ඉන්ඩස්ටි‍්‍ර එකේ ඉන්න හැමෝම සතුටුවෙනවා. සර්ට වැඩදෙන්න... ඔබතුමාට කියලා ගීත ලියාගන්න කියලා අපි හැමෝටම කියනවා... සර් මම ඔබතුමාට අද ලක්ෂ පහක් දෙනවා. මේක ඔබතුමාගේ කලාව ඉදිරියේ චූටි දෙයක් ඒත් සර් මම පොඩි කෙනෙක් සර්... ඒත් සර් ඔබතුමාට පුළුවන් නම් මේක පිළිගන්න... මම මේක ඔබතුමාගෙ දෙපතුළ ළඟින් තියෙනවා....
මම ඒක කොහොමද කරන්නේ? මම කාගෙන්වත් එහෙම අරගෙන නැහැ... මට මහන්සිවෙලා වැඩ කරන්න පුළුවන්. වැටෙනවා... සන්තෝෂ් ජී කියනවා...
නේහා අඬමින් කියනවා..... සර් මේක මේක ඔබතුමාගෙ මිනිබිරියක් දෙන දෙයක් කියලා පිළිගන්න. ඇය අඬා වැටෙනවා... සන්තෝෂ් ජීත් අඬනවා... ඇයට ඔහු බොහොම ස්තුතියි කියනවා...
මේ නිහඬ බව නැති කරන්න.... ගීතයක් ගයන්න කියලා සන්තෝෂ් ආනන්ද් ජී කියනවා...
කුච් පාකර් ඛෝනා හේ
කුච් පාකර් ඛෝනා හේ
ජීවන් හේ මත්ලබ් තෝ ආනා ඕර් ජානා හේ
දෙයක් ලබාගන්නම් දෙයක් අහිමි කරගන්න වෙනවා...
දෙයක් හිමි කරගන්නම දෙයක් අහිමි කරගන්න වෙනවා...
මේ ජීවිතයේ තේරැම ඒම සහ යෑම විතරයි...
ඒ ගීතය නේහා කක්කඩ් ගායනා කරනවා.... ඇයගේ ගායනය දැකලා සන්තෝෂ් ආනන්ද් ජීත් ගොඩාක් සතුටු වෙනවා. ගීතය අවසානයේ සන්තෝෂ් ආනන්ද් ජිත් ඒ ගීතයේ අවසානයේ ගායනා කරනවා. බොහොම අපහසුවෙන්... ඔහුට හැමෝගෙම ආදරය හමුවෙනවා. මෙච්චර කාලයක් ඉන්දියාවට අමතක වුණු කෙනෙක්ව මේ වැඩසටහන හරහා හැමෝටම නැවතත් මතකයට එනවා. ගීතය අවසාන වෙනවාත් එක්කම ලක්ෂ්මී කාන්ත් ප්‍යාරේලාල් යුවළ හුනස්සෙන් නැගිටලා සන්තෝෂ් ආනන්ද් ජී ළඟට එනවා.
ලක්ෂ්මී පැමිණ සන්තෝෂ්ගෙ දෙපා අල්ලා ඔහුට වඳිද්දී අනේ නෑනණ්ඩි ඇයගේ අත් දෙක අල්ලගෙන නළලේ තියා ගන්නවා... ප්‍යාරේලාල් ඔහු ළඟට ආවම මගේ සහෝදරයා කියලා සන්තෝෂ් ඔහුව වැළඳ ගන්නවා රෝද පුටුව්වේ වාඩිවෙලාම.
මුම්බායි නගරයෙන් බොහෝම ඈතක ඉඳන් ඉතාම දුප්පත් ජීවිතයක් ගත කරමින් කාටත් අමතක වෙලා තිබුණු සන්තෝෂ් ආනන්ද් ජී කියන ජනප‍්‍රිය ගීත රාශියක පද ගැලපූ ඒ අපූරැ පුද්ගලයා ගැන ඉන්දියාවේ මාධ්‍යවලින් ආපහු කතා කරන්න පටන් ගන්නවා. ඉන්දියාවේ විවිධ ස්ථානවල පැවැත්වෙන උත්සවවල ප‍්‍රධාන ආරාධිතයා විදියටත් ඔහුව සහභාගී කරවගන්න පටන් ගන්නවා.
ඒත් ඊට පසුව තමයි හොඳම කතාව පටන් ගන්නේ. නේහා කක්කඩ් ස්න්තෝෂ් ආනන්ද්ට ලක්ෂ පහක් දුන්නා. ඒක ගැන විවිධ මාධ්‍ය සහ සමාජ මාධ්‍යවලින් කතා වෙන්න පටන් ගන්නවා. නේහා ලක්ෂ පහක් දීලා සන්තෝෂ් ආනන්ද් ජීගේ ගරැත්වය නැති කරලා තමන් හොඳ ගායිකාවක් බව පෙන්වන්න හදනවා කියලා චෝදනා කරන්න පටන් අරගෙන. අන්තිමේදී සන්තෝෂ් ආනන්ද් ජී තම දියණිය සමඟින් පෙනී ඉඳලා ඔවුන්ගේම යූ ටියුබ් නාළිකාවකින් නේහා කක්කඩ් කියන්නෙ තම මිනිබිරියක් වගෙ කෙනෙක් බවත් ඇය කළ දෙයින් තමන් කිසිදු අපහසුතාවයකට හෝ තමන්ට එයින් කිසිදු අගෞරවයක් සිදු නොවුණු බවත් ඇය ඒ හැමදෙයක්ම කළේ තමන්ට ගෞරව කිරීම විදියට තමන්ට ආදරය කරන කෙනෙක් විදියට බවත් ඔහු කියනවා. සන්තෝෂ් ආනන්ද කිව්වම ඔබ නොදන්නවා වුණාට මෙන්න මේ ගීත නම් ඔබ අහලා ඇති... මේ ගීත ලියැවුණේ ඔහු අතින්.
“Ek Pyar Ka Naghma Hai”, “Main Na Bhoolunga”, “Yeh Galiyan Yeh Chaubara”, “Tera Saath Hai To”, “Megha Re Megha Re”
1939 මාර්තු 05 වෙනිදා සන්තෝෂ් ආනන්ද් ජි ඉපදුනේ ඉඛන්දර්බාද්වලයි. 1970 දශකයෙ ජනප‍්‍රිය ගී පද රචකයෙක් වුණු ඔහුට හොඳම ගී පද රචකයා විදියට 1974දී සහ 1982දී ෆිල්ම් ෆෙයාර් සම්මාන හිමිවුණා. මෙන්න මේ සිනමා පටයන්හි ඔහු ලියූ ගීත ඔබ අහලා නොතිබෙන්න විදියක් නැහැ.
- Purab Aur Pachhim (1970)
- Shor (1972)
- Roti Kapada Aur Makaan (1974)
- Patthar Se Takkar (1980)
- Kranti (1981)
- Pyaasa Sawan (1981)
- Prem Rog (1982)
- Mera Jawab (1985)
- Patthar Dil (1985)
- Love 86 (1986)
- Mazloom (1986)
- Bade Ghar Ki Beti (1989)
- Naag Nagin (1989)
- Santosh (1989)
- Suryaa: An Awakening (1989)
- Do Matwale (1991)
- Naag Mani (1991)
- Ranbhoomi (1991)
- Junoon (1992)
- Sangeet (1992)
- Tahalka (1992)
- Tirangaa (1993)
- Sangam Ho Ke Rahega (1994)
- Prem Aggan (1998)[4]
