ගාල් ගැඩෝ ගැබිනියක්
මේ දිනවල ආදායම් වාර්තා තබමින් තිරගත වන ‘%වොන්ඩර් වුමන්’ චිත්‍රපටයේ ප්‍රධාන චරිතය නිරූපණය කරන ගාල් ගැඩොට් පිළිබඳ උණුසුම් පුවතක් හොලිවුඩයෙන් වාර්තා වෙයි. මේ වනවිට 32 වැනි වියෙහි පසුවන ඇය, නිරූපණ කලාවට යොමු වී ඉන් පසුව හොලිවුඩ්පුරයට පා තැබූ සුරූපිනියක්. 2004 සිට සිනමා රංගනයට එක්වී සිටින ගාල් ගැඩොට් විවාහ වී සිටින්නේ කෝටිපති ව්‍යාපාරිකයෙකු වන යරොන් වර්සානෝ සමගිනි. ඔවුන් දෙදෙනා දැන් දරුවන් දෙදෙනකුගේ මවුපියන් වන අතර, ඇය නැවතත් මවක් වීමට යන පුවතක් වාර්තා වෙයි.
බොක්ස් ඔෆිස් වාර්තා තබමින් තිරගත වන "වොන්ඩර් වුමන්" චිත්‍රපටයේ දර්ශනවල අවසාන රූගත කිරීම්වලදී ඇය ගැබ්ගෙන ඇති පුවත වාර්තා වුවද, එය වසන් කර ඇතැයි විදෙස් මාධ්‍ය සඳහන් කරයි. කෙසේවුවද වොන්ඩර් වුමන් සාර්ථකත්වයට පත්වීමත්, ඇයගේ තෙවැනි ගැබ් ගැනීමත් පිළිබඳ ඇය ඉමහත් ලෙස සතුටට පත්ව සිටින බවද කියැවෙයි.
