‘ඛාන්’ නළුවන්ගේ රහස් සාකච්ඡා
බොලිවුඩයේ සුපිරි ‘ඛාන්’ තුන්කට්ටුව ලෙස සැළකෙන ෂාරුක් ඛාන්, සල්මාන් ඛාන් හා ආමිර් ඛාන් තිදෙනා මේ දිනවල රහසේ හමුවන බවට වාර්තා ලැබේ. ඔවුන් වැඩිපුර ෂාරුක් ඛාන්ට අයත් ‘මන්නත්’ බංගලාවේ මුණ ගැසෙන බවට තොරතුරු වාර්තා වේ.
ඔවුන් මෙසේ රහසින් සාකච්ඡා කරන්නේ ඉදිරියේදී ඔවුන් තිදෙනා පෙනී සිටින දැවැන්ත සිනමා නිර්මාණයක් සම්බන්ධවද යන්න බොහෝ දෙනෙකුට ප්‍රශ්නාර්ථයක් වි ඇත. වර්තමානයේ බොලිවුඩ් සිනමාවට නවකයන් වූ රන්වීර් සිං, රන්බීර් කපූර්. අයේෂ්මන් කූරාණා, විකී කෞශාල් වැන්නන් සාර්ථක වෙමින් ඉදිරියට පැමිණිම නිසා තමන්ගේ ප්‍රතිරූපයට ඔවුන්ගෙන් හානියක් වේදැයි යන්න අර්බුදයක පසුවෙනවාද යන්න තවත් පිරිසක් අර්ථදක්වමින් සිටියි. කෙසේ වෙතත්, මොවුන් තිදෙනා මෙසේ රහස් සාකච්ඡා පවත්වමින් සිටින කාරණය නොබෝ දිනකින්ම පසක් වනු ඇතැයි ඔවුන්ට සමීප හිතවත් පිරිස මාධ්‍යයට පවසා ඇත.
YOU MAY ALSO LIKE
