'කේදර්නාත්' දින 34කින් නිම කරයි
මේ වසරේ නොවැම්බර් මාසයේදී බොලිවුඩයට සමගාමිව ලොවපුරා ප්‍රදර්ශනය වන අභිෂේක් කපූර්ගේ ‘කේදර්නාත්’ චිත්‍රපටයේ සියලු වැඩ කටයුතු මේ වනවිට අවසන්ව ඇති බවට තොරතුරු වාර්තා වේ. ජනප්‍රිය බොලිවුඩ් නළු සායිෆ් අලී ඛාන්ගේ දියණිය වන සාරා අලී ඛාන් බොලිවුඩ් සිනමාවට එක්වන පළමු චිත්‍රපටය වන ‘කේදර්නාත්’හි රූපගත කිරීම් ඉතා ඉක්මණින් අවසන් කරන්නට ලැබීම පිළිබඳව චිත්‍රපට අධ්‍යක්ෂවරයා සියලු නළුනිළීයන්ට සිය කෘතවේදිත්වය පළ කර ඇත.
ඔහු පවසන්නේ චිත්‍රපටයේ ප්‍රධාන නළුනිළි චරිත නිරූපණය කරන සුශාන්ත් රාජ්පූත් මෙන්ම සාරා අලී ඛාන් දෙදෙනා තමාට අනගී සහයෝගයක් ලබාදුන් බවය. මීට පෙර චිත්‍රපට අධ්‍යක්ෂක අභිෂේක් කපූර් සුශාන්ත් සමග ඔහුගේ පළමු චිත්‍රපටය වන ‘කයි පෝ චේ’ චිත්‍රපටයේද එකට වැඩ කර ඇති අතර, එදා දුන් සහය මෙම චිත්‍රපටයේද අභිෂේක් සුශාන්ත්ගෙන් ලැබුණ ඉව ඔහු පවසයි.’කේදර්නාත්’ යනු 2013 වසරේදී ඉන්දියාවේ ඇතිවූ ගංවතුර ව්‍යසනයකදී පෙම්වතුන් යුවළකට සිදුවන අපුරු අත්දැකිමක් වටා ගේතුණු කතාපුවතකින් නිර්මාණය වූවකි.
