කියාරාට ‘අයිටම්’ ගීතයක්
2019 වසරේ අප්‍රේල් 19 වැනිදා ප්‍රදර්ශනය වීමට නියමිත කරන් ජෝහර්ගේ නිෂ්පාදනයක් වූ ‘කලාන්ක්’ චිත්‍රපටයේ එන ‘අයිටම්’ ගීතයක් සඳහා නර්තනයෙන් එක්වීමට කියාරා අද්වානිට අවස්ථාව හිමිව තිබෙන බව සඳහන් වේ. මීට පෙර ‘අයිටම්’ ගීතයක් සඳහා එක්ව ඇති කියාරා ජනප්‍රිය නළුනිළියන් රැසක් රංගනයෙන් දායක වන චිත්‍රපටයක ‘අයිටම්’ ගීතයක් සඳහා එක්වන පළමු අවස්ථාව මෙය වීම විශේෂත්වයකි.
අභිෂේක් වර්මා අධ්‍යක්ෂණය කරන මෙම චිත්‍රපටයේ ප්‍රධාන නළුනිළියන් ලෙස චරිත මවන්නේ මධුරි ඩික්සිත් හා සංජේ දත් දෙදෙනාය. 1993 වසරේ තිරගත වූ ‘කල්නායක්’ චිත්‍රපටයෙන් පසුව බොලිවුඩ් චිත්‍රපටවක ඔවුන් දෙදෙනා පෙනි සිටින පළමු අවස්ථාව මෙය වේ. සොනක්ෂි සින්හා, ආදිත්‍ය රෝයි කපූර්, ආලියා භාට්, වරූන් ධාවන් මෙමෙ චිත්‍රපටයේ පෙනි සිටින අනෙකුත් නළුනිළියන් වේ.
YOU MAY ALSO LIKE
