කියාරා වාසනාවන්තියක් වෙයි
පසුගිය දිනවලදී ‘ලුස්ට් ස්ටෝරි’ චිත්‍රපටයේ කළ රංගනය හරහා බොලිවුඩයේ වැඩි පිරිසක් අතර කතා බහට ලක්වුණ සුරූපි කියාරා අද්වානිට මේ වනවිට සුපිරි බොලිවුඩ් සිනමා තරුවක් සමග චිත්‍රපටයක රඟපෑමට අවස්ථාව උදාවී ඇත.
ඒ මෑත කාලයේ අතිශය සාර්ථක වූ ආක්ෂේ කුමාර් සමගය. රාජ් මෙහෙතා අධ්‍යක්ෂණය කරන ‘ගුඩ් නිවුස්’ නම් වූ මෙම චිත්‍රපටය එළැඹෙන දෙසැම්බර්යේදී මුම්බායි නගරයේදී රූපගත කෙරෙන බව සඳහන් වේ.
‘මා වසර දෙකක කාලයක් මේ ක්ෂේත්‍රයේ කටයුතු කරලා තියෙනවා. ජැකි චැන්, වැනි විදෙස් නළුවෝ එක්ක පවා මම රඟපාලා තියෙනවා. නමුත්, බොලිවුඩයේ සුපිරි තරුවක් එක්ක මට රඟපාන්න ලැබුණ පළමු අවස්ථාව මේක. ඒ අවස්ථාවත් ආක්ෂේ වැනි ප්‍රියමනාප දක්ෂ නළුවෙක් සමග. ඒක මා ලැබු වාසනාවක්.’ යැයි කියාරා සිය අලුත්ම චිත්‍රපටය ගැන අදහස් දක්වමින් පවසා ඇත.
YOU MAY ALSO LIKE
