කාජල්ගෙන් විශේෂ ප්‍රකාශයක්
මේ වන විට ඉන්දියාව තුළ Covid - 19 වයිරසය ඉතාම වේගයෙන් පැතිරෙමින් පවතිනවා. මේ හේතුවෙන් එරට සාමාන්‍ය ජන ජීවිතය මෙන්ම චිත්‍රපට කර්මාන්තයද දැඩි ගැටලුකාරී තත්ත්වයකට පත්ව තිබෙනවා. Kajal Aggarwal කියන්නේ ඉන්දිය චිත්‍රපට ක්ෂේත්‍රයෙහි ඉතාම ජනප්‍රිය සුරූපී නිළියක්. Teligu, Tamil සහ Hindi චිත්‍රපට රැසකට තම දක්ෂතා පෙන්වූ ඇය වඩාත්ම ප්‍රසිද්ධ වන්නේ දකුණු ඉන්දියානු සම්මානනීය නිළියක ලෙසයි.
පසුගිය දිනෙකදී ඇය තම instagram ගිණුමේ විශේෂිත ප්‍රකාශයක් සටහන් කරමින් තම ප්‍රේක්ෂකයන් වෙත බරපතළ පණිවුඩයක් ලබා දී තිබුණා. එහිදී ඇය සඳහන් කොට සිටියේ “කොවිඩ් වසංගතය හමුවේ ඉන්දියාව ඇතුළුව ලෝකයේ බොහෝ රටවල් මේ වන විට දැඩි අවදානම් භයානක තත්ත්වයකට පත්ව ඇති බවයි.” එනිසා හැකි සෑම විටම සෞඛ්‍යාරක්ෂිතව තම නිවෙස් තුළටම වී හිඳිමින් පරිස්සම් වන ලෙසත් වැඩිදුරටත් ඇය සැමගෙන් ඉල්ලා සිටියා.
