ක්‍රිස් එවන්ස් 'කැප්ටන් ඇමෙරිකා' චරිතයට සමුදෙයි
‘මාවල්’ සුපිරි චරිතයක් වන ‘කැප්ටන් ඇමෙරිකා’ ඉදිරියේදි නිර්මාණය වන ‘ඇවෙනජර්ස්’ චිත්‍රපටවලින් සමුගත් බව එම චරිතයට පණ පොවන ක්‍රිස් එවන්ස් සිය ‘ටිවිටර්’ ගිණුමේ සටහනක් තබා ඇති බවට තොරතුරු වාර්තා වේ. මේ දිනවල ‘ඇවෙන්ජර්ස් ඉන් ෆිනිට් වෝර්’ දෙවැනි චිත්‍රපටයේ අවසන් රූපගත කිරිම් සඳහා එක්ව සිටින ක්‍රිස් එවන්ස් දැනට ‘මාවල්’ චිත්‍රපට බොහෝමයක් සඳහා රංගනයෙන් දායක වීද ඇත.
ක්‍රිස් එවන්ස් සිය ‘ටිවිටර්’ ගිණුමේ තැබු සටහන අනුව බොහෝ හොලිවුඩ් චිත්‍රපට රසිකයන්ට තේරුම් ගොස් ඇත්තේ ‘ඇවෙන්ජර්ස් ඉන් ෆිනිට් වෝර්’ දෙවැනි චිත්‍රපටයේදී ‘කැප්ටන් ඇමෙරිකාව’ හෙවත් ‘ස්ටිව් රොජර්ස්’ මියයන බවය. කෙසේ වෙතත්, මේ බව නිල වශයෙන් ‘මාවල්’ චිත්‍රපට සමාගම ප්‍රකාශයක් නිකුත් කර නොමැති අතර ‘‘කැප්ටන් මාවල්’ චරිතය කරළියට ගෙන එන බැවින් ‘‘කැප්ටන් ඇමෙරිකා’ චරිතය සිනමාවෙන් ඉවත් කිරීමටද අදහස් කරමින් සිටින බව ‘මාවල්’ කෙටස්කරුවෙකු පවසා ඇත.
