'ක්‍රිෂ්ණා' චරිතයට අමීර්
‘බාහුබලි’ චිත්‍රපටය අධ්‍යක්ෂණය කළ ආර්. රාජ්මෞලී විසින් නිර්මාණය කරන්නට නියමිත ‘මහාභාරත්’ චිත්‍රපටයේ ‘ක්‍රිෂ්ණා’ දෙවිඳුන්ගේ චරිතයට සුපිරි බොලිවුඩ් නළු අමීර් ඛාන් තෝරා ගෙන ඇති බවට තොරතුරු වාර්තා වෙයි. කෝටිපති ව්‍යාපාරික මුකේෂ් අම්බානි ඉන්දීය රුපියල් කෝටි 1000ක වියදමක් දරා නිෂ්පාදනය කරන මෙම චිත්‍රපටයේ අමීර් ඛාන් සමගින් සුපිරි කොලිවුඩ් හා බොලිවුඩ් නළුනිළියන් රැසක් රංගනයෙන් දායක වන බවද සඳහන්ය.
මෙම චිත්‍රපට චරිතය තමාට ලැබීම පිළිබඳව වඩාත් සතුටට පත් වන බව පවසන අමීර් සුපිරි නළුනිළියන් රැසක් සමග චිත්‍රපටයක වැඩ කරන්නට ලැබීම එක්තරා භාග්‍යයක්ද බව පවසා ඇත. මෙහි රූගත කිරීම් එළඹෙන ඔක්තෝම්බර් මාසයේදී ආරම්භ කිරීමට නියමිතව ඇත.
YOU MAY ALSO LIKE
