'කබඩි' ක්‍රීඩකයෙක් වුණ රිතික්
‘කාබිල්’ චිත්‍රපටය හරහා නැවතත් මේ වසරේදී සිය සාර්ථකත්වය ළඟා කරගත් සුපිරි නළු රිතික් රෝෂන් මේ දිනවල නැවතත් අලුත් සිනමා නිර්මාණයකට සම්බන්ධව සිටියි. ඒ රාකේෂ් ඕම්ප්‍රකාෂ් මෙහෙරා විසින් නිර්මාණය කරන චිත්‍රපටයක් සඳහාය.
මෙහි රිතික් ‘කබඩි’ ක්‍රීඩකයෙකුගේ චරිතයක් නිරූපණය කරන අතර, රිතික් ක්‍රීඩකයෙකුගේ චරිතයක් සඳහා බොලිවුඩ් චිත්‍රපටයක පෙනි සිටින පළමු අවස්ථාව මෙය වේ. මීට පෙර රිතික් ක්‍රිකට් ක්‍රීඩාවේ යෙදෙන දර්ශන කිහිපයක් සඳහා ‘කබි කුෂි කබි ගම්’ චිත්‍රපටයේ රංගනයෙන් එක්ව තිබුණි. කබඩි ක්‍රීඩාව පදනම් කරගෙන නිර්මාණය වෙන රිතික්ගේ මෙම අලුත්ම චිත්‍රපටය ප්‍රදර්ශනය වන දිනයක් තවමත් ප්‍රකාශයට පත් කර නොමැති අතර, නිල නොලත් වාර්තා පෙන්වා දෙන්නේ එය රිතික්ගේ ‘ක්‍රිෂ්’ සිවුවැනි චිත්‍රපටයෙන් පසුව ප්‍රදර්ශනය වනු ඇති බවය.
YOU MAY ALSO LIKE
