කපිල් දේව්ගේ ජීවිත කතාව සිනමාවට
එක්දින ලෝක කුසලානයක් පළමු වරට ඉන්දියාවට දිනා දුන් කපිල් දේව්ගේ ජීවිත කතාව අලළා චිත්‍රපටයක් නිර්මාණය කරන්නට කබීර් ඛාන් මේ දිනවල සැලසුම් කරමින් සිටින බව සඳහන් වේ. සිය අලුත්ම චිත්‍රපටය වූ ‘ටයිගර් සින්දා හේ’ චිත්‍රපටයේ වැඩ කටයුතු නිමා වූ විගස මෙහි වැඩ කටයුතු ආරම්භ කරන්නට ඔහු බලාපොරොත්තු වෙන් සිටින බව සඳහන් වේ.
කපිල් දේව්ගේ චරිතය සඳහා මුලින් අර්ජූන් කපූර් තෝරා ගෙන තිබුණද මේ වනවිට එම චරිතය ජනප්‍රිය සිනමා නළු රන්වීර් සිංට ලබාදී ඇතැයි වාර්තා වේ. කෙසේ වෙතත්, අර්ජූන්ට ප්‍රථම මෙම චරිතය තෝරා ගෙන තිබුණේ සුශාන්ත් රාජ්පුත්ය. නමුත්, ඔහු ඉන්දීය හිටපු ක්‍රිකට් නායක මහේන්ද්‍ර සිං දෝනිගේ ජීවිත කතාව අලළා සැකසුණ චිත්‍රපටයට දායක වූ හෙයින් ඔහුව මෙම චිත්‍රපටයට සම්බන්ධ කර නොගත් බව කබීර් ඛාන් පවසා සිටියි.
YOU MAY ALSO LIKE
