කත්‍රිනාව 'ක්‍රිෂ්' සිවුවැන්නට
ජනප්‍රිය සිනමා නිළි කත්‍රිනා කයිෆ් රාකේෂ් රෝෂන්ගේ ‘ක්‍රිෂ්’ සිවුවැනි චිත්‍රපටයට තෝරා ගෙන ඇති බවට තොරතුරු වාර්තා වේ. පසුගිය වසරේ සිට මේ චිත්‍රපටය සඳහා නව නිළියන් තෝරාගැනීමක් සිදුකළ අතර, අවසානයේ ‘ක්‍රිෂ්’ සිවුවැන්නට තෝරාගෙන ඇත්තේ කත්‍රිනාවය. පරිනිති චොප්රා, ක්‍රිති ෂැනොන් මෙන්ම, ජැක්ලනි ෆර්නැන්ඩේස්ගේ නම්ද මීට පෙර මෙම චිත්‍රපටය සඳහා තෝරා ගන්නා බවට තොරතුරු පළ විය.
කෙසේ වෙතත්, මෙහි ප්‍රධාන නිළි චරිතය මෙවරද හිමිව ඇත්තේ ප්‍රියංකා චොප්රාටය. කත්‍රිනා මෙහි උප ප්‍රධාන චරිතයක් නිරූපණය කරන අතර, ‘ක්‍රිෂ්’ අලුත් චිත්‍රපටය සඳහා බොහෝ ක්‍රියාදාම දර්ශන ඇතුළත් කරගැනීමට රාකේෂ් බලාපොරොත්තු වෙන් සිටියි. කත්‍රිනා අවසන් වරට දායක වූ කබීර් ඛාන්ගේ ‘ටයිගර් සින්දා හේ’ චිත්‍රපටයද ක්‍රියාදාම ගණයේ චිත්‍රපටයකි.
YOU MAY ALSO LIKE
