කත්‍රිනාගේ බර්ත්ඩේ එකට ලොකු සෙනගක්
ජූලි 16 වැනිදාට යෙදී තිබුණ කත්‍රිනා කයිෆ්ගේ 34 වැනි උපන්දිනය සමරන්නට ඇමෙරිකාවේ නිව්යෝර්ක් නගරයේ පිහිටි ඇයගේ නිවසට විශාල පිරිසක් පැමිණි සිටි බව සඳහන් වේ. මෙසේ කත්‍රිනාගේ නිවසට මෙවැනි විශාල පිරිසක් පැමිණීමට හේතුවවී තිබුණේ ජූලි 17 වැනිදා ඇමෙරිකාවේ නිව්යෝර්ක් නගරයේදී පැවැති %අයිෆ්^ සිනමා සම්මාන උලෙළට කත්‍රිනාට හිතවත් බොලිවුඩ් තරු බොහොමයක් පැමිණීම නිසාවෙනි.
කරන් ජෝහර්, ප්‍රිටි සින්ටා, මනීෂ් මල්හෝත්‍රා, රන්බීර් කපූර්, ආලියා භාට්, වරූන් ධාවන්, සිද්ධාර්ත් මල්හෝත්‍රා, මලේයිකා අරෝරා, ශිල්පා ෂෙට්ටි, ක්‍රිති ෂැනොන් පැමිණි සිටි පිරිස් අතරින් කැපී පෙනුණ අතර, ෂාරුක් ඛාන්, අමීර් ඛාන්, සල්මාන් ඛාන්, රිතික් රෝෂන්, සායිෆ් හා කරීනා යුවළ, ආදිත්‍ය රෝයි කපූර් ඇතුළු පිරිස කත්‍රිනා වෙනුවෙන් ඇයගේ %ට්විටර්^ ගිණුමට සුබපැතුම් පණිවුඩ එවා තිබුණ බව සඳහන් වේ. කත්‍රිනා පවසන්නේ, වසර කිහිපයකට පසුව සිය සමීපතම බොලිවුඩ් තරු සමග තම උපන්දිනය සැමරූ බවය.
