උර්වෂි රවුටෙලාටත් කට කතාවක්
දිව්‍යා කුමාර් අධ්‍යක්ෂණය කළ ‘සනම් රේ’ චිත්‍රපටය හරහා බොලිවුඩ් සිනමාව තුළ අතිශය ජනප්‍රිය වූ උර්වසි රවුටෙලා මේ දිනවල සිය අලුත්ම චිත්‍රපටයේ ප්‍රචාරක කටයුතු සඳහා සූදානම් වෙමින් සිටියි. ඒ මාර්තු 09 වැනිදා ප්‍රදර්ශනය වන විශාල් පාණ්ඩයා අධ්‍යක්ෂණය කළ ‘හෙට් ස්ටෝරි’ සිවුවැනි චිත්‍රපටය සඳහාය. වැඩිහිටියන්ට වඩාත් සුදුසු චිත්‍රපටයක් ලෙස ලේබල් ගත කොට ඇති මෙම චිත්‍රපටයේ උර්වෂි ‘ටෂා’ නම් චරිතයට පණ පොවනු ලබයි.
උර්වෂි හා ‘සනම් රේ’ චිත්‍රපටයේ ප්‍රධාන නළු චරිතයට පණ පෙවු පුල්කිට් සම්රාත් අතර ප්‍රේම සම්බන්ධයක් පවතින බව කට කතාවක් මේ දිනවල නිර්මාණය වෙමින් පවතින අතර, උර්වෂි සිය ‘ටිවිටර්’ ගිණුම හරහා එම කට කතාවට ප්‍රතිචාර දක්වමින් පවසා තිබුණේ එම කට කතා බොරුවක් බවත් සම්රාත් හා යමී ගෞතම් දෙදෙනා මේ වනවිටත් සිය විවාහය පිළිබඳව සැලසුම් කරමින් සිටින බවත් සඳහන් කර ඇත.
