උර්වශිට මරණ තර්ජන
වැඩිහිටියන්ට පමණක් සීමාවූ චිත්‍රපටවල රඟපෑමට යොමු වූ නිළියක ලෙස ප්‍රසිද්ධියට පත්ව ඇති උර්වශි රවුටෙලා මේ දිනවල වඩාත් ජනප්‍රියව ඇත්තේ ‘හේට් ස්ටෝරි’ සිවුවැනි චිත්‍රපටය හරහාය. උර්වෂි ප්‍රධාන චරිතය නිරූපණය කරන ‘‘හේට් ස්ටෝරි’ සිවුවැනි චිත්‍රපටය පසුගිය 26 වැනිදා ප්‍රදර්ශනයට නිකුත් වූ අතර, එය මේ වන විට ඉන්දීය රුපියල් කෝටි 30කට ආසන්න මුදලක් උපයා ගැනීමට ද සමත්ව තිබේ.
බොලිවුඩ් සිනමාවේ මෑතකදී නිර්මාණය කළ ‘‘හේට් ස්ටෝරි’ චිත්‍රපට මාලාවට එක්වූ මෙම සිවු වැනි චිත්‍රපටයේ පූර්ව ප්‍රචාරක පටය ප්‍රදර්ශනය වීමත් සමගම උර්වශිට ප්‍රශ්න කිහිපයකටම මුහුණ දීමට සිදුව ඇති බව සඳහන් වේ. ඇයට ඉන්දියාවේ විවිධ පාර්ශ්ව වෙතින් තර්ජන එල්ල වෙමින් ඇත. ඒ අතර ඇයට මරණ තර්ජන ද එල්ල වී ඇති බව වාර්තා වෙයි. උර්වශීට මෙවැනි තත්ත්වකට මුහුණදීමට සිදු ව ඇත්තේ ‘‘හේට් ස්ටෝරි’ සිවුවැනි චිත්‍රපටයෙහි එන එක්තරා දර්ශනයක ඇතුළත් දෙබසක් හේතුවෙන් බව දැන ගැනීමට ලැබේ.
