Saaravita.lk|| ‘ඇවෙන්ජර්ස්’ වාර්තාව ‘ඇවටර්’ දෙවැන්න බිඳ දමනවා

මේ වනවිට ලොව වැඩිම ආදායමක් උපයාගත් චිත්‍රපටය බවට පත්ව තිබෙන ‘ඇවෙන්ජර්ස් ඊන් ද ගේම්’ චිත්‍රපටය උපයාගත් ආදායම 2021 වසරේ තිරගත වෙන ‘ඇවටර්’ දෙවැනි චිත්‍රපටය බිඳ දසමන බව එම චිත්‍රපටය අධ්‍යක්ෂණය කරන ජේම්ස් කැමරන් පසුගියදා මාධයයට පවසා ඇත.

වසර 10කට අධික කාලයක් තිස්සේ ලොව වැඩිම ආදායමක් උපයාගත් චිත්‍රපටය බවට පත්ව තිබුණේ කැමරන්ගේ ‘ඇවටර්’ චිත්‍රපටයයි. කෙසේ වෙතත්, මේ වසරේ තිරගත වූ ‘මාවල්’ චිත්‍රපට සමාගමේ ‘ඇවෙන්ජර්ස් ඊන් ද ගේම්’ චිත්‍රපටය එම වාර්තාව අබිභවා යන්නට සමත් වූයේ ඇමෙරිකානු ඩොලර් බිලියන 2කට වඩා වැඩි මුදලක් උපයා ගනිමිනි.