ඇමි ජැක්සන්ට සුපිරි චරිතයක්
ජනප්‍රිය බොලිවුඩ් හා කොලිවුඩ් චිත්‍රපට රැසක රංගනයෙන් දායක වූ සුරූපී නිළි ඇමි ජැක්සන්ට හොලිවුඩ් ටෙලි නාට්‍යය මාලාවක් සඳහා එක්වීමට ඇරයුම් ලැබී තිබෙන බව සඳහන් වේ. ඒ මේ දිනවල ‘වෝනර්’ රූපවාහිනි නාළිකාවේ විකාශය වන ‘සුපර් ගර්ල්’ ටෙලි නාට්‍යයේ එන තවත් සුපිරි චරිතයක් සඳහායි.
බොලිවුඩ් සුපිරි නිළි ප්‍රියංකා චොප්රාට පසුව හොලිවුඩ් ටෙලි නාට්‍යය සඳහා සම්බන්ධ වුණ එකම නිළිය ලෙස මේ අනුව ඇමි ජැක්සන් පත්වේ. ඇය ‘සුපර් ගර්ල්’ ටෙලි නාට්‍යයේ ‘ඉම්රා අර්ඩීන්’ ලෙස චරිත නිරූපණය කරන අතර, එහි රූපගත කිරීම් මේ දිනවල කැනඩාවේ සිදු කෙරෙන බව සඳහන් වේ. මේ වසරේ බොලිවුඩ් හා කොලිවුඩ් සිනමාව තුළින් එතරම් දක්නට නොලැබුණ ඇමි එළැඹෙන 2018 වසරේදී සිනමා නිර්මාණ කිහිපයක් හරහා සිය රසික පිරිස් මුණගැසීමට සූදානමින් සිටියි. ඒ අතර, රාජිනි හා ආක්ෂේ රංගන ‘2.0’ චිත්‍රපටයද තිබේ.
YOU MAY ALSO LIKE
