Saaravita.lk|| ආලියා - රන්බිර්

1998 වසරේ අතිශය ජනප්‍රිය වු කරන් ජෝහර්ගේ ‘කුච් කුච් හෝතා හේ’ චිත්‍රපටයේ 20 වැනි සැමරුම පසුගියදා සමරනු ලැබීය. මෙම උත්සවයට ‘කුච් කුච් හෝතා හේ’ චිත්‍රපටයට එක්වූ ෂාරුක් ඛාන්, කාජල් හා රාණි මුඛර්ජිගේද සහභාගිත්වය දකින්නට ලැබුණි. එමෙන්ම බොලිවුඩයේ ජනප්‍රිය නළුනිළියන් හා නිෂ්පාදකවරු මෙන්ම අධ්‍යක්ෂවරු රැසක්ද ඒ සඳහා එක්ව සිටිනු දක්නට ලැබුණි.

මේ අතර, මෙම උත්සවයට පැමිණි නළුනිළියන් අතරේ රන්බීර් කපූර්, ආලියා භාට් හා නවක නිළි ජාන්වී කපූර්ට විශේෂිත තැනක් හිමිවු අතර, පසුව දැන ගැනීමට ලැබුණේ ඔවුන්ට එසේ විශේෂයක් සිදු කර ඇත්තේ ඉදිරියේදී නිර්මාණය කිරීමට සැලසුම් කර ඇති ‘කුච් කුච් හෝතා හේ’ දෙවැනි චිත්‍රපටයේ ප්‍රධාන චරිත සඳහා ඔවුන් තෝරා ගෙන ඇති බවයි.