ආක්ෂේගේ ‘මිෂන් මංගල්’ කෝටි සියයක්
අගෝස්තු 15 වැනිදා තිරගත වීම් ආරම්භ කළ ආක්ෂේ කුමාර්ගේ ‘මිෂන් මංගල්’ චිත්‍රපටය දින තුනක් ගෙවෙද්දි සිය ආදායම් උපයා ගැනීම ඉන්දීය රුපියල් කෝටි 100ක් වැඩි කර ගැනීමට සමත්ව ඇත. ‘මිෂන් මංගල්’ ආක්ෂේ මේ වසරේ සිය සිනමා ප්‍රේක්ෂයන් හමුවන දෙවැනි චිත්‍රපටය වන අතර, ‘කේසාරි’ ඔහු මේ වසරේ රංගනයෙන් දායක වූ පළමු චිත්‍රපටය වේ. එයද ඉන්දීය රුපියල් කෝටි 225ක ආදායමක් උපයාගන්නට සමත් විය. ‘මිෂන් මංගල්’ චිත්‍රපටයේ ආක්ෂේ කුමාර් සමගින් සොනක්ෂි සින්හා, විද්‍යා බාලන්, ටප්සි පන්නු, නිත්‍ය මෝහන්, කිර්ති කල්හාරි රංගනයෙන් දායක වෙයි. ‘මිෂන් මංගල්’ චිත්‍රපටයෙන් පසුව ආක්ෂෞ ‘හවුස්ෆුල්’ සිවුවැනි චිත්‍රපටය හා ‘ගුඩ් නිවුස්’ චිත්‍රපට තුළින් මේ වසරේදී සිය ප්‍රේකෂයන් මුණ ගැසීමට නියමිතය.
YOU MAY ALSO LIKE
