ආක්ෂේගේ චිත්‍රපට 5ක් මේ වසරේදී
90 දශකයේ බොලිවුඩ් සිනමාවට පිවිසි ආක්ෂේ කුමාර් පිළිබඳව වර්තමානය වනවිට නොදන්නා කෙනෙකු නැති තරම්ය. බොලිවුඩයේ සුපිරි නළුවන් අතර නිතරම සිටින ආක්ෂේ කුමාර් පසුගිය වසරේදී අමීර් හා සල්මාන්ට පසුව වැඩිම සාර්ථකත්වයක් හිමිකරගත් බොලිවුඩ් නළුවාද වෙයි.
නිමාවූ වසරේදී මෙන්ම උදාවූ නව වසරේදීද ආක්ෂේගේ චිත්‍රපට කිහිපයක්ම තිරගත කිරීමට පෙළගැසී තිබෙනවා. මේ වසරේ ඔහු රංගනයෙන් දායක වන පළමු චිත්‍රපටය වන්නේ සුභාෂ් කපූර් අධ්‍යක්ෂණය කළ ‘ජොලී LLB’ දෙවැනි චිත්‍රපටයයි. චිත්‍රපටය තිරගත වෙන්න නියමිත වෙලා තියෙන්නේ පෙබරවාරි 10 වැනිදා.
ශිවම් නායර්ගේ ‘නාම් සබිනා’ ආක්ෂේ මේ වසරේදී සිය රසික පිරිස් මුණගැසෙන දෙවැනි බොලිවුඩ් චිත්‍රපටය. තිරගත කරන්න දින යොදාගෙන තියෙන්නේ මාර්තු 31 වැනිදා. ආක්ෂේ මේ වසරේ දකින තුන්වැනි චිත්‍රපටය වෙන්නේ නාරයන් සිංගේ ‘ටොයිලට් ඒක් ප්‍රේම් කතා’. තිරගත වෙන්නේ ජුනි 02 වැනිදා. ඔක්තෝබර් 19 වැනිදා ආක්ෂේ රඟපාන ‘2.0’ චිත්‍රපටය තිරගත වෙන්න නියමිතයි.
