අර්ජූන්ගේ 'නමස්තේ එංගලන්ඩ්' ෆේල්
ජනප්‍රිය බොලිවුඩ් සිනමා නළුනිළි යුවලක් වන අර්ජූන් කපූර් හා පරීනිති චොප්රා රංගනයෙන් දායක වූ ‘නමස්තේ එංගලන්ඩ්’ චිත්‍රපටය මේ වනවිට අසාර්ථක චිත්‍රපට අතරට එක්ව ඇතැයි ‘කෝයි මොයි’ වෙබ් අඩවි පෙන්වා දී තිබේ.පසුගිය ඔක්තෝබර් 17 වැනිදින මෙම චිත්‍රපටය බොලිවුඩයට සමගාමිව විදෙස් රටවල් කිහිපයකද ප්‍රදර්ශනය කළ අතර, දින පහක් ගෙවෙද්දි මෙම චිත්‍රපටය උපයා ගැනීමට හැකිව ඇත්තේ ඉන්දීය රුපියල් කෝටි 5කට ආසන්න මුදලකි.
චිත්‍රපටය සඳහා වැය කළ මුදල ඉන්දීය රුපියල් කෝටි 60ක් වන අතර, ඉදිරියටත් මෙම චිත්‍රපටය තිරගත කළද සිය වියදම් වූ මුදල සොයා ගැනීමට අපොහොසත් වනු ඇතැයි සිනමා විචාරකයන් මත පළ කර සිටියි. කෙසේ වෙතත්. අර්ජූන් කපූර් අවසන් වරට රඟපෑ ‘මුබාරකන්’ හා පරීනීති චොප්රා රඟපෑ ‘ගෝල්මාල් අගේන්’ චිත්‍රපට අති සාර්ථක ඒවා විය.
YOU MAY ALSO LIKE
