Saaravita.lk|| අයුෂ්මන් - භූමි නැවතත් සිනමා පෙම්වතුන් වෙයි

2015 බොලිවුඩ් සිනමාවට පිවිසි භූම් ෆෙඩ්නිකර් මේ වනවිට බොලිවුඩයේ සිටින ජනප්‍රිය යොවුන් රංගන ශිල්පිනියකි. දැනට අතිශය ජනප්‍රිය වූ චිත්‍රපට කිහිපයකම රංගනයෙන් දායක වූ භුමි ෆෙඩ්නිකර් මේ දිනවල නැවතත් චිත්‍රපට කිහිපයක් සඳහා එක්ව සිටියි. ඒ අතර, බොලිවුඩ් සිනමාවේ භූමිගේ පළමු සිනමා පෙම්වතා වු අයුෂ්මන් කූරාණා සමගින් ඇය නැවතත් අලුත් චිත්‍රපටයක් සඳහා රංගනයෙන් දායක වෙයි.

‘බාලා’ නම් වූ මෙම චිත්‍රපටයේ රූපගත කිරීම් මේ දිනවල සිදුවෙන අතර, අයුෂ්මන් හා භූමි දෙදෙනා සිනමා පෙම්වතුන් ලෙස පෙනි සිටින තුන්වැනි චිත්‍රපටය මෙය වීම විශේෂත්වයකි. මීට පෙර 2015 වසරේදී ‘ඩූම් ලගා කි හසිනා’ හා 2017 වසරේ ‘සුබ් මංගල් සාවදාන්’ භුමි හා අයුෂ්මන් රඟපෑ චිත්‍රපට දෙකම ඉහළ ආදායමක් උපයා ගැනීමට සමත් විය.