අයිශ්ගේ තාත්තා අනිල් කපූර්
අතුල් මන්ජේකාර් විසින් අධ්‍යක්ෂනය කරන ‘ෆැනී ඛාන්‘ චිත්‍රපටය සඳහා රංගනයෙන් දායක වන නළුනිළියන් මේ වනවිට ප්‍රකාශයට පත්කර තිබේ. පියෙකු සහ වැඩිමහල් දියණියක් අතරේ සිදුවන කතාවක් පදනම් කරගෙන නිර්මාණය වන මෙම චිත්‍රපටයේ පියාගේ චරිතයට බොලිවුඩ් සිනමා නළු අනිල් කපූර් තෝරාගෙන තිබෙන බව සඳහන් වේ. දියණියගේ චරිතයට තෝරා ගෙන ඇත්තේ අයිශ්වර්යා රායි බච්චන්ය.
මීට පෙර අනිල් කපූර් වෙනුවට දමිළ සිනමා නළු ආර්ත මාධවන් තෝරාගත් බවටද තොරතුරු වාර්තාවූ නමුත්, පසුව අනිල් කපූර් මෙම චිත්‍රපට චරිතයට තෝරාගත් බවට නිල වශයෙන් මාධ්‍ය දැනුම්වත් කර තිබේ. මීට පෙරද අයිශ්වර්යා හා අනිල් කපූර් බොලිවුඩ් චිත්‍රපටය රංගනයෙන් දායක වී ඇති අතර, ඒ 2000 වසරේ සුභාෂ් ගායි විසින් අධ්‍යක්ෂණය කරනු ලැබූ ‘තාල්‘ චිත්‍රපටයේය. එම චිත්‍රපටයේ අයිශ්වර්යා හා අනිල් කපූර් පෙම්වතුන් ලෙස රංගනයෙන් එක්විය.
YOU MAY ALSO LIKE
