අයියයි මල්ලියි ආයෙත්
ජනප්‍රිය බොලිවුඩ් සිනමා තරු දෙකක් වන බොබි ඩියොල් හා සනී ඩියොල් පෙනි සිටින අලුත්ම චිත්‍රපටයක් මේ දිනවල ප්‍රදර්ශනය කිරීමට සූදානම් කර තිබේ. සැප්තැම්බර් 08 වැනිදා ප්‍රදර්ශනය කිරීමට නියමිතව ඇති %පෝස්ටර් බෝයිස්^ නම් වූ මෙම චිත්‍රපටය ජනප්‍රිය සිනමා නළු ශ්‍රීයා තල්පාඩේගේ කුළුඳුල් සිනමා අධ්‍යක්ෂණය වේ.
ඔහුද මෙම චිත්‍රපටයේ ප්‍රධාන චරිතයක් නිරූපණය කරන අතර, සොනාලි කුල්කර්ණි, ලාරා දත්තා, උර්වෂි රවුටෙලා, ටාෂා බුම්රා සෙසු චරිත සඳහා රංගනයෙන් දායක වෙයි. බොබි ඩියොල් බොලිවුඩ් චිත්‍රපටයක් සඳහා එක්වන්නේ සිවුවසරකට පසුව වීම විශේෂත්වයකි. ඔහු අවසන් වරට රංගනයෙන් දායක වූයේ සිය පියා ධර්මේන්ද්‍ර විසින් 2013 වසරේදී නිෂ්පාදනය කළ %යම්ලා පග්ලා දිවානි^ දෙවැනි චිත්‍රපටයෙන් පසුවය. %පෝස්ටර් බෝයිස්^ චිත්‍රපටය හාස්‍යමය චිත්‍රපටයකි.
YOU MAY ALSO LIKE
