Saaravita.lk|| අමිර් ඛාන් ‘ජිම්පප්පට’ ඇඳලා

නොවැම්බර් 27 වැනිදිනට යෙදි තිබුණ අම්ර් ඛාන්ගේ බාල පුත් අසාඩ් රාඹ් ඛාන්ගේ උපන්දිනය පසුගියදා මුම්බායිහි අමිර් ඛාන්ට අයත් නිවසේ පවත්වනු ලැබීය. අසාඩ්ගේ පාසල් මිතුරන් හා අසල්වැසි මිතුරු, මිතුරියන් කිහිප දෙනෙකුගේ සහභාගිත්වයෙන් පැවති මෙම උපන්දින සාදයට කිසිදු ප්‍රසිද්ධ පුද්ගලයෙකු සහභාගි නොවුණ බව සඳහන් වේ.

සිය පුතුගේ උපන්දින සාදයට පැමිණි කුඩා දරුවන් විනෝද කිරීමට අමිර් ඛාන් ප්‍රසිද්ධ කාටුන් චරිතයක් වූ ‘Obelix’ (ජිම් පප්පා), ලෙසත් ඔහුගේ බිරිඳ කිරන් ‘Getafix’ (වෙදපප්පා) ලෙසත්, අමිර්ගේ පුත් අසාඩ් ‘Asterix ’ (සූර පප්පා) ලෙසත් ඇඳ පැළඳගෙන සිටියහ. මොවුන් තිදෙනා එකට සිටින ඡායාරූප කිහිපයක් අමිර් සිය ‘ටිවිටර්’ ගිණුම හරහා මේ වනවිටත් අන්තර්ජාලයට නිකුත් කර තිබෙන බව වාර්තා වේ.