අමිතාබි බච්චන් පිළිබඳ කටකතාවක්
අනතුරකින් තුවාල ලැබීම හේතුවෙන් අමිතාබ් බච්චන් නැනවතී රෝහලට ඇතුළත් කර ඇති බවට කටකතාවක් පසුගියදා ප්‍රචලිත වී තිබිණි. එයින් ඔහුගේ රසිකයෝ ශෝකයටත් ඥාතීහු අපහසුතාවටත් පත් වූහ.
“මේ වගේ කටකතා පතුරවන්නෙ කවුද කියලා අපිට නම් හිතා ගන්නවත් බෑ.. දැන් ඔහු මේ මං ඉස්සරහ ඉන්නවා.. එතකොට ඉස්පිරිතාලෙ ඉන්නෙ ඔහුගෙ මනෝ කාය ද..?”
මේ කටකතාව පිළිබඳව විමසූ අයෙකුට අභිෂේක් බච්චන් පිළිතුරු දී තිබුණේ එසේය.
මේ දිනවල ඔහු ජනප්‍රිය රියැලිටි වැඩ සටහනක් වන කෞන් බනේගා ක්‍රෝර්පති 12 වන අදියර ඉදිරිපත් කරනු දැකිය හැකිය. අයාන් මුඛර්ජිගේ නිර්මාණයක් වන බ්‍රහ්මස්ත්‍ර චිත්‍රපටියේ මෙන්ම නාග්රාජ් මන්ජුලේ ගේ ක්‍රීඩා චිත්‍රපටිය වන ජූන්ඞ් චිත්‍රපටියේ ද අමිතාබ් චරිත නිරූපණය කරයි.
චන්දි කොඩිකාර
YOU MAY ALSO LIKE
