‘ෆාස්ට් ඇන්ඩ් ෆියුරිස්’ නිසා ඩිවේන්, ඩිසල් වලියක්
ජනප්‍රිය චිත්‍රපට මාලාවක් වන ‘ෆාස්ට් ඇන්ඩ් ෆියුරිස්’ චිත්‍රපට මාලාව නිසා පසුගිය දෙවසර තුළ ඩිවේන් ජොන්සන් හා වින් ඩිසල් දෙදෙනා අතර අමනාපකමක් ගොඩනැගි තිබෙන බව වාර්තා වෙයි. මෙය දෙදෙනා අතර ප්‍රසිද්ධියේ සිදු නොවුනද පසුගිය දෙවසර තුළදී ඔවුන් දෙදෙනා කිහිප වරක් අප්‍රසිද්ධියේ විරසක වීම ප්‍රදර්ශනය කර තිබුණ බව දැන ගැනිමට ලැබේ.
මොවුන් දෙදෙනාගේ මෙම විරසක වීම ආරම්භ වී ඇත්තේ මේ වසරේ තිරගත වූ ‘F9’ චිත්‍රපටයට ඩිවොන් සම්බන්ධ කර ගැනීමට ඩිසල් අකමැත්ත පළ කිරිම හේතුවෙනි. එම නිසාම ඩිවේන් ‘හොබ්ස් ඇන්ඩ් ෂෝ’ චිත්‍රපටයට එක්ව ‘ෆාස්ට් ඇන්ඩ් ෆියුරිස්’ අලුත් චිත්‍රපට සියල්ල ප්‍රතිකෂේප කරන්නට කටයුතු කර තිබුණ බව වාර්තා විය. දැනට ලැබෙන වාර්තාවලට අනුව ඩිවෙන් හා ඩිසල් දෙදෙනාගේ අමනාපකම ඉවත්ව ඇති අතර ඔවුන් ඉදිරියේදි ‘ෆාස්ට් ඇන්ඩ් ෆියුරිස්’ චිත්‍රපටවල නැවතත් දකින්නට ලැබෙනු ඇති බවය.
