සුපිරි නළු ශාරුක් ඛාන්ගේ පුත්‍රයා පොලිස් අත්අඩංගුවට
සුපිරි බොලිවුඩ් නළු ශාරුක් ඛාන්ගේ පුත්‍රයා වන ආර්යන් ඛාන් ඇතුළු 13 දෙනෙකු මුම්බායි පොලිසිය විසින් අත්අඩංගුවට ගෙන තිබෙනවා.
ඒ, මත්ද්‍රව්‍ය සන්තකයේ තබාගැනීම සහ භාවිත කිරීම ඇතුළු චෝදනා රැසකටයි.
මුම්බායි සිට ගෝවා බලා ගමන් කරමින් තිබු නෞකාවක සංවිධානය කර තිබු මත්ද්‍රව්‍ය සාදයක් වටලා මෙම පිරිස අත්අඩංගුවට ගත් බවයි, පොලිසියේ ප්‍රකාශයක් උපුටා දක්වමින් ඉන්දිය මාධ්‍ය වාර්තා කළේ.
මෙලෙස අත්අඩංගුවට ගත් පිරිස අතර තරුණියන් තිදෙනෙකු වන බව ද සඳහන්.
එම පිරිස සන්තකයේ තිබි, හසිෂ්, එම්ටී සහ කොකේන් ඇතුළු මත්ද්‍රව්‍ය කිහිපයක් ද පොලිස් භාරයට ගෙන තිබෙනවා.
මේ වනවිට මෙම පිරිස රැඳවුම් භාරයේ තබා පොලිසිය ප්‍රශ්න කරමින් සිටින බවයි ඉන්දිය මාධ්‍ය වාර්තා වැඩිදුරටත් කියා සිටියේ.
මුම්බායි සිට ගෝවා බලා පිටත්ව යන නෞකාවක මත්ද්‍රව්‍ය සාදයක් පැවැත්වීමට නියමිත බව මුම්බායි පොලිසියට තොරතුරක් ලැබි තිබුණා.
ඊට අනුව පොලිස් නිලධාරීන් සිවිල් ඇඳුමින් එම නෞකාවට ගොඩවී ඇති අතර, නෞකා ගමන් ආරම්භ කිරීමෙන් අනතුරුව අදාළ සාදය ආරම්භ කර ඇති බව සඳහන්.
එහි දී වහාම ක්‍රියාත්මක වූ පොලිස් නිලධාරීන් මෙම පිරිස අත්අඩංගුවට ගැනීමට කටයුතු කළ බවයි වාර්තා වන්නේ.
