ශ්රී දේවිගේ පොඩි දුවත් බොලිවුඩ් සිනමාවට
බොනි කපූර් හා ශ්රී දේවිගේ බාල දියණිය වූ කුෂි කපූර් නුදුරේම බොලිවුඩ් සිනමාවේදී දකින්නට ලැබෙයි. ඒ සෝයා අක්තාර් විසින් අධ්යක්ෂණය කරන The Archies චිත්රපටය හරහාය. මෙහි කුෂි සමගින් ෂාරුක් ඛාන්ගේ දියණිය වන සුහානා ඛාන් සහ අමිතාබ් බච්චන්ගේ මුනුපුරා වන අගස්ත්යා නන්දාද රංගනයෙන් දායක වෙයි.
ජාන්විද මේ වනවිට බොලිවුඩ් සිනමාවේ ස්ථාවරව සිටින අතර, කුෂිගේ පියා බොනි පවසන්නේ ජාන්වි මෙන් කුෂිද ඉතා ඉක්මණින් බොලිවුඩයේ ස්ථාවර වෙමින් ජනප්රිය තරුවක් වනු ඇති බවය. කුෂි මේ වනවිට සිය 19 වැනි විය ගෙවා දමමින් සිටින අතර, ඇයට මේ වනවිටත් සුපිරි චිත්රපට කිහිපයකටම සම්බන්ධ වීමට අවස්ථාව ලැබි ඇති බවටද තොරතුරු වාර්තා වෙයි.
