ලංකාවේ ට්‍රේන්ඩින් ලිස්ට් එක ආක්‍රමණය කල කොලිවුඩයේ අලුත්ම ගීතය
කොලිවුඩයට ආදරය කරන හැමෝම දන්න කියන 'තලපති විජෙයි'ගේ අලුත්ම චිත්‍රපටය තමයි Beast. තලපතිට ආදරේ කරන ලොව පුරා රසිකයෝ මේ චිත්‍රපටය එනකන් නොඉවසිල්ලෙන් ඉන්න බව රහසක් නෙවෙයි.
ඉතින් පසුගිය දවසක Beast චිත්‍රපටයේ ගීතයක් අන්තර්ජාලයට මුදා හැරුණා.මවම ගීතය මුදා හැර දින හතරක් ඇතුළත මිලියන 50ක් නැරඹූ වේගවත්ම දකුණු ඉන්දීය ගීතය බවට පත්ව ඇත. Arabic Kuthu නම් මේ ගීතයේ, නැරඹූම් වාර ගණන මේ වන විට මිලියන 181 ඉක්මවා ඇති බවයි වාර්තා වන්නේ. වැදගත්ම දේ ඒක නෙවෙයි, තලපති විජෙයි ලංකාවේ ට්‍රේන්ඩින් ලිස්ට් එකත් ආක්‍රමණය කරලා. මේ වෙද්දි විජෙයිගේ මේ ගීතය ලංකාවේ TRENDING ලැයිස්තුවේ මුල්ම තැනට ඇවිත්.
විජෙයිගේ මේ අලුත්ම චිත්‍රපටිය සියලු ආදායම් වාර්තා අභිබවා යාවී කියලයි බොහෝ දෙනා අනාවැකි කියන්නෙ. සිවකාර්තිකේයන්ගේ පද රචනය සමඟින් මෙම ගීතය ගායනා කර ඇත්තේ Anirudh Ravichander සහ Jonita Gandhi විසිනි.
