මෝහන්ලාල්ට එකතු වු ආක්ෂේ හා කරන් ජෝහර්
ජායිපූර් හි පැවති පෞද්ගලික විවාහ මංගල්‍යයකට සහභාගි වීමට ගිය සුපිරි බොලිවුඩ් සිනමා නළු ආක්ෂේ කුමාර්ට මලයාලම් සිනමාවේ සුපිරි තරුවක් වූ මෝහන්ලාල් මුණ ගැසී ඇත. දෙදෙනා ඉතා සුහදව කතාබහක නිරත වී ඇති අතර, අවසානයේ දෙදෙනා එම විවාහ මංගල්‍යයේදී පන්ජාබ් ක්‍රමයට නැටුමක්ද නටන්නට වී ඇත. එය මේ වන විට අන්තර්ජාලය තුළ වයිරල් විඩියෝවක් බවටද පත්ව ඇත.
එය අන්තර්ජාලයට මුදාහැර ඇත්තේ ආක්ෂේගේ සමාජ පිටුවකින් බව සඳහන් වන අතර, ඔහු ඊට “මට සදහටම මතකයි ඔබ සමඟ මේ නර්තනය @mohanlal සර්. නියත වශයෙන්ම අමතක නොවන මොහොතක්, ” යන්නෙන් සටහනක්ද තබා තිබුණි. ඉන් අනතුරුව පෞද්ගලික ගුවන් යානයක් තුළදී කරන් ජෝහර්ටද එදිනම මෝහන්ලාල් මුණගැසී අතර, ඔහු සමගින් කරන් ඡායාරුපයක් ගෙන එයද ඔහුගේ සමාජ පිටු හරහා ප්‍රසිද්ධ කර තිබේ.
YOU MAY ALSO LIKE
