තෙළිඟු සිනමාවේ සුපිරි තරුව, අල්ලු අර්ජුන්ගේ දියණිය ගැන ඇහෙන අලුත්ම ආරංචිය මෙන්න
තෙළිඟු සිනමාවේ ජනප්‍රියම තරු අතරින් ඉහළින්ම වැජඹෙන සුපිරි තරුවක් තමයි, අල්ලු අර්ජුන් කියලා කියන්නේ.
ඉන්දියාවේ "නර්තන වැඩකරුවන්" අතරිනුත් ඉහළින්ම ඉන්නේ අල්ලු අර්ජුන් කියන එක රහසක් නෙවෙයි. ඔහුගේ සුපිරි නර්තන හැකියාවන් "ප්‍රභු දේවාවත්" පරද්දන බවයි ඇතැම් විචාරකයින් පෙන්වා දෙන්නේ.
වරක් දෙවරක් නොව කිහිප වරක්ම සම්මානවලට පවා හිමිකම් කියූ අල්ලු අර්ජුන්ගේ තවත් චිත්‍රපට කතාවක් ගැනනම් නෙවෙයි මේ.
අල්ලුගේ ආදරණීය දියණිය අර්හා ගැනයි. ඉතින් මේ පුංචි කෙල්ලත් ඔන්න රංගනයට පිවිසෙන්න හදනවලු.. මේ ගැන අල්ලු ඔහුගේ සමාජමාධ්‍ය ගිණුමේත් සඳහන් කරලා තිබුණා.
දමිළ සිනමාවේ ජනප්‍රිය තාරකාවක් වන "සමන්තා" සමඟ තමයි ඇය රංගනයට එක් වෙනවා කියන්නේ.
චිත්‍රපටයේ නම "සකුන්තලාම්" ලෙසයි හඳුන්වා දීලා තියෙන්නේ.
ඉතින් අර්හාගේ "ආඩම්බරකාර තාත්තා" සිය සටහනේ දක්වා තිබුණේ, අර්හාව චිත්‍රපටියක් තුළින් දැක ගැනීමට ලැබීම සතුටට කරුණක් බවයි. එමෙන්ම ඒ ගැන තමන් ආඩම්බර වන බවද ඔහු සඳහන් කර තිබුණා.
