Saaravita.lk|| ටුව්ලයිට් චිත්‍රපටවල දුටු ටේලර් ලෝට්නර් විවාහ වෙලා

30 වැනි වියෙහි පසුවන ටේලර් ලෝට්නර් මීට දින කිහිපයකට පෙර විවාහ විය. ඔහුගේ අතගනු ලැබුවේ සිවුවසරක් තිස්සේ ටේලර්ගේ පෙම්වතියව සිටි ටේලර් ඩෝම් සමගය. පවුලේ සාමාජිකයන්ට පමණක් සිමා වූ මෙම විවාහ මංගල්‍යය ඇමෙරිකාවේ කැලීෆෝනියා නගරයේ පිහිටි මිදි වත්තකදි පවත්වා තිබුණි.

විවාහ වූදා කිසිදු ඡායාරූපයක් මාධ්‍යයගත නොවූ අතර, පසුගිය බදදා දිනයේ ප්‍රකට වෝග් සඟරාව හරහා ලෝට්නර් හා ඩෝමිගේ විවාහ මංගල්‍යයේ ඡායාරූප ප්‍රසිද්ධ කර තිබුණි. මේ සම්බන්ධව අදහස් දක්වමින් ලෝට්නර් පවසා තිබුණේ තමන් ප්‍රසිද්ධියට අකමැති නිසාවෙන් තම විවාහය කිසිදු ප්‍රසිද්ධියකින් තොරව පවත්වන්නට තමන් තිරණය කළ බවය.