Saaravita.lk|| කලකට පසුව ෂාරුක් ඛානුත් සම්මාන ගොඩට

බොලිවුඩයේ කිං ඛාන් ලෙස හඳුන්වන ෂාරුක් ඛාන් වසර ගණනාවකට පසුව මේ වසරේදී බොලිවුඩ් චිත්‍රපටයක දකින්නට ලැබුණි. ඒ Brahmastra Part One: Shiva චිත්‍රපටයෙනි. එහි ඔහු ආරාධිත රංගනයක නිරත වූවද ඔහුට එය සම්මානයකට නිර්දේශ වන්නට තරම් පිටුවහලක් වී ඇත.

ඒ අනුව ෂාරුක් මෙවර අයිෆා සම්මාන උළලේදී හොඳම සහය නළුවන්ට හිමි සම්මානය සඳහා තරග කරනු ලබයි. ඔහු සමගින් බේදියා චිත්‍රපටයේ අභිෂේක් බැනර්ජි, ගංගුබායි කතියාවාඩි චිත්‍රපටයේ විජේ රසා, ජුග්ජුග් ජීයෝ චිත්‍රපටයේ අනිල් කපූර්, මොනිකා ඕ මයි ඩාර්ලින්ග් චිත්‍රපටයේ සිකනන්දර් කේර් නිර්දේශ වී තිබේ.