Saaravita.lk|| කරිනාගේ දෙවැනි පුතා ජේ අලී ඛාන් එක්ක කරලියට බසියි

සායිෆ් හා කරීනාගේ දෙවැනි දරුවා වන ජේ අලී ඛාන්ගේ මුහුණ පෙනෙන පළමු ඡායාරූපය මේ වනවිට අන්තර්ජාලය තුළ දකින්නට ලැබේ. ඒ බන්ද්‍රාහි සායිෆ්ට අයත් නිවසේ එළිමහනේදී කරිනා හා ජේ සමග පෙනි සිටින ඡායාරූපයකි. කෙසේ වෙතත්, වාර්තා වන අන්දමට මෙය පැපරාසි කැමරාකරුවෙක් විසින් රහසේ ගත් ඡායාරූපයක් බවය.

මෙම ඡායාරූපය ගත් දිනට පෙර දිනයේදී ජේ, ඔහුගේ වැඩිමහල් සොහොයුරා වූ තයිමුර්, කරිනා හා සායිෆ්ද දින හතරක මාලදිවයින සංවාරයක් නිමා කර පැමිණ තිබුණ බව වාර්තා වෙයි. කෙසේ වෙතත්, දැන ගැනීමට ලැබුණේ ඔවුන් හදිසියේම මාලදිවයින නිවාඩුවක් ගත කිරිමට යොදා ගෙන තිබුණේ සායිෆ් අලි ඛාන්ගේ 51 වැනි උපන්දිනය සැමරිමට බවය.