Saaravita.lk|| ඇස් නටවා ජනප්‍රිය වූ ප්‍රියාට බොලිවුඩ් චිත්‍රපට පහක් ලැබිලා

ඔරු ආදර් ලව් මලයාලම් චිත්‍රපටය හරහා ඉන්දීය සිනමාවට එකතු වූ සුරූපි ප්‍රියා ප්‍රකාශ් වාරියර් ලබන වසරේ බොලිවුඩ් චිත්‍රපට පහකින් දැක ගැනීමට ප්‍රේක්ෂකයින්ට හැකියාව උදා වී තිබේ. 2017 වසරේ ඉන්දීය සිනමාවට පිවිසියද ප්‍රියා තවමත් රංගනයෙන් දායක වූ චිත්‍රපට තුනක් පමණක් ප්‍රදර්ශනය වී තිබේ.

ලබන වසරේ ඇය මුලින්ම සිනමා ප්‍රේක්ෂකයින්ට දකින්නට ලැබෙන්නේ Sridevi Bungalow චිත්‍රපටයෙනි. එය ප්‍රකට සිනමා නිළි ශ්‍රී දේවිගේ ජිවිත කතාව අලලා නිර්මාණය වන්නක් බව සඳහන් වෙයි. ඉන් පසුව Yaariyan 2 චිත්‍රපටය තුළින් ප්‍රියාව දකින්නට ලැබෙන අතර, එම චිත්‍රපටය බැංග්ලෝර් ඩේස් මලයාලම් චිත්‍රපටයේ ප්‍රති නිර්මාණයකි. 3 Monkeys, Love Hackers, Vishnu Priya ඇය රංගනයෙන් දායක වෙන ඉතිරි බොලිවුඩ් චිත්‍රපට වෙයි.